Sot me datë 31.01.2022 ne si iniciativë qytetare "Muzeu Virtual i Tetovës" kemi dorëzuar kërkesë drejtuar Kryetarit të Komunës së Tetovës z.Bilall Kasami dhe Kryetarit të Këshillit Besar Durimishi  të cilën mund ta gjeni më posh:

I nderuar Kryetar i Komunës të Tetovës z.Bilall Kasami dhe Kryetar i Këshillit z.Besar Durmishi,

Ne si iniciativë qytetare Muzeu Virtual i Tetovës, kërkojmë nga Komuna e Tetovës që të ndrohen emrat e shkollave

të mesme dhe fillore në Tetovë. Bashkangjitur me këtë kërkesë ju dërgojmë propozim emrash si në vijim:

• Shkolla e mesme medicinale – nga „Nikola Shtejn“ në „Dr. Xhafer Sulejmani“. Dr.Xhafer Sulejmani ishte

mjek i parë shqiptar në Tetovë si dhe Kryetar i Bashkisë së Tetovës gjatë Mbretërisë Shqiptare.

• Gjimnazi i Tetovës - nga „Kiril Pejçinovikj“ në „Shaip Kamberi“. Shaip Kamberi ishte Kryetar i Bashkisë

së Tetovës gjatë Mbretnisë Shqiptare si dhe Jurist.

• Shkolla e muzikës – nga “Todor Skalovski – Tetoec“ në „Gani Jahja“. Gani Jahja ishte mësues i parë

shqiptar i muzikës i cili i mesoi shqiptarët në Tetovë artin e muzikën.

• Shkolla e mesme ekonomike – nga „8 Shtatori“ në „Halim Deralla“. Halim Deralla ishte djali i parë i

Mehmet Pash Deralla, ishte rilindas shqiptar dhe si dhe deputet në Mbretnin Shqiptare.

• Shkolla e mesme bujqsore – nga „Mosha Pijade“ në „Tajar Tetova“. Tajar Tetova ishte Kryengritës

shqiptar gjatë periudhës së Xhon Turqve dhe i takon familjes së pashallarve të Tetovës Mehmet Pash

Derallës si dhe një ndër shkollat e para shqipe në Tetovë mbante emrin e tij.

• Shkolla e mesme profesionale(tekstile) – nga „Gjoce Stojcevski” në “Idriz Ibrahimi – Cërcëri“. Idriz

Ibrahimi – Cërcëri ishte rrobaqepës shqiptar nga Tetova dhe Krytar i organizatës „BESA“ e themeluar në

vitin 1939 në Tetovë.

• Shkolla fillore „Kirili dhe Metodij“ – në „Mehmetriza Murtezani – Gega“. Mehmetriza Murtezani-Gega

ishte organizator dhe pjesmarrës në protestat e 68' si dhe mësues e patriot shqiptar.

• Shkolla fillore „Goce Delçev“ – në „Skenderbej“. Një ndër shkollat e para shqipe në Tetovë mbante emrin

„Skenderbej“ dhe gjendej ku është sot shkolla fillore „Goce Delçev“.

Me respekt,

iniciativa qytetare

Muzeu Virtual i Tetovës.