Misioni ynë përfshin:

• Mbrojtjen dhe konservimin e trashëgimisë kulturore dhe shpirtërore të Tetovës.

• Promovimin e kulturës dhe historisë shqiptare përmes ekspozitave, botimeve dhe aktiviteteve edukative.

• Ndërgjegjësimin për vlerat kulturore dhe historike të rajonit tonë.

Ne, si organizatë jo-qeveritare e bazuar në Tetovë, e shohim këtë qytet si një thesar të pasur me histori, kulturë dhe traditë. Tetova, me gjithë diversitetin dhe bukuritë e saj, përfaqëson një vend të veçantë që mbart në zemër pasionin dhe dashurinë për kombin dhe për qytetin e vet.

Qyteti ynë është i pasuruar me figura të shquara kombëtare, shtëpi të vjetra me vlerë arkitekturore dhe historike, malin madhështor të Sharrit, si dhe monumente kulturore e shpirtërore që përfaqësojnë trashëgiminë e çmuar të të parëve tanë. Këto vlera kërkojnë dhe meritojnë kujdesin, mbrojtjen dhe promovimin e duhur.

Ne synojmë që rinia e Tetovës të njohë dhe të jetë krenare për qytetin ku jeton. Vizionojmë një të ardhme ku shtëpitë e vjetra dhe monumentet historike të jenë të zbukuruara, të ndriçuara dhe të mirëmbajtura, duke tërhequr turistë nga e mbarë bota për të përjetuar bukurinë dhe historinë që Tetova ka për të ofruar.

Përmes punës sonë, ne dëshirojmë që ky qytet të jetë një qendër frymëzimi, njohjeje dhe krenarie për të gjithë banorët dhe vizitorët e saj.